梁詠琪爭取機會探老爺奶奶

梁詠琪（Gigi）昨日接受商台訪問，她早前與家人到西班牙探親，在當地逗留兩星期。她笑說女兒Sofia坐足十多小時長途飛機，居然全程精神奕奕，令她與丈夫冇覺好瞓。

梁詠琪坦言在西班牙湊女非常忙碌，但看到囡囡第一次去海灘，一家人外出享受家庭樂，再辛苦也覺值得。「奶奶要照顧老爺同其他孫仔，好辛苦，所以我都有幫奶奶按摩膊頭。我一年只可以探佢一、兩次，冇乜盡到新抱責任，希望多啲探佢哋。」

唔催楊采妮生B

提到好姊妹李心潔的孖仔滿月，Gigi表示未有時間探望他們。笑問會否對襯家？她即說：「都係後生仔女做主啦！（催另一好姊妹楊采妮生B？）冇得催，都唔擔心，佢好識得養生，生活習慣好健康。」

撰文：李潔盈

編輯：陳禮恒

設計：Herbert