單車節加推250名額 今日10點搶閘報名

旅發局主辦、新鴻基地產冠名及慈善贊助嘅「新鴻基地產香港單車節」下月25日舉行，早前各項賽事報名反應熱烈，「50公里組」個人名額同「30公里組」好快爆滿。旅發局特別為50公里個人組加開250個報名名額，今朝10點，把握機會登入http://goo.gl/4B52ZK報名啦。講開又講，今屆賽事50公里組點解咁吸引？相信同路綫首次覆蓋「三橋三隧」有關，勝在夠特色同有挑戰性，一次過挑戰汀九橋、青馬大橋、昂船洲大橋、長青隧道、南灣隧道同尖山隧道，絕對係難忘體驗！