接花球似好事近 阿Sa：幻覺嚟啫

Twins、周柏豪、鄭希怡（Yumiko）及J.Arie等有份參與新片《原諒他77次》演出，昨日舉行開鏡禮，當中化身成新娘子的J.Arie以婚紗上陣，扮演姊妹的Yumiko在拋花球環節中接到花球後，卻無聲無色地把花球塞進旁邊的阿Sa（蔡卓妍）手中，令她不禁高呼只是幻覺，引得眾人大笑。

阿Sa與阿嬌一齊接受訪問，記者連聲恭喜阿Sa，她再三強調只是幻覺，更笑言：「明明唔係我接到。（接受Yumiko好意？）搶花球四人當中有兩位係人妻，得番我同衛詩雅。（大家都想你拍拖？）好呀，多謝大家！」阿嬌坦言曾聽聞接得花球後半年內不嫁人，就會三年嫁不出，她之前已接了兩次，所以不恨接花球了。阿嬌日前曾揚言歡迎異性追求，問到可有追求者行動？她笑言只是隨口講講當賣廣告，又自爆老闆楊受成問她有冇拍拖，記者提她老闆的兒子楊政龍還是單身，阿嬌笑謂：「人哋咁忙，老闆都叫我唔好，我會傷心㗎！」

阿Sa叫大家不用替她和阿嬌的感情狀況擔心，還笑言Mr.Right正在前來，她笑謂：「Mr.Right搭緊車。」阿嬌就說倘若遇到真命天子都不會閃婚，至少相處一年，不過她就說：「Plan好晒都冇用，人哋唔嚟娶。」

柏豪禁未來老婆打工

問柏豪何時結婚？他坦言結婚後就有兩頭住家，因此必須賺到雙倍身家才會考慮，他直言婚後希望妻子不用工作，專心照顧家庭。談到柏豪在片中角色，他自嘲角色就似現實中的自己一樣幼稚：「其實我個腦仲係十五、六歲，貪玩，咩都想試，（你對女友專一喎！）專一係成熟咩？我行為幼稚。」他認為最幼稚的事是得罪人而不自知。

撰文：Pauline

編輯：林梓添

設計：梁政敏