Le Creuset沙田店開幕 專車玩遊戲送鑄鐵鍋

記得上次同廚具品牌Le Creuset公關姊妹傾開，講起今年有計劃開新分店，轉眼間就收到好消息，Le Creuset香港第3間專門店喺沙田新城市廣場開幕啦，姊妹們又多個選擇！

品牌準備咗架Le Creuset流動專車做宣傳，大家上車可以了解到唔同形狀鑄鐵鍋具嘅用途，仲可以玩遊戲贏鑄鐵鍋同其他禮品。玩法好簡單，今個星期五至日，專車會喺沙田出沒，大家上車先欣賞咗Le Creuset烹飪短片，之後Like品牌fb專頁，分享埋短片，就會得到迷你鍋具造型磁石換領券同優惠券。

想得到琺瑯鑄鐵鍋具，就要搵到專車再參加遊戲，將你拍攝嘅Le Creuset鍋相同配對餸菜上載到個人fb，設定為公開，最快集齊200個「Like」，就有機會贏到其中一款鑄鐵鍋。