【聲明】港生活網站並無進行電話推廣活動

西甲開鑼 now TV主持陣容大曬冷

發佈時間: 2016/08/19

萬眾期待新一季西班牙甲組足球聯賽明晨開鑼,為滿足球迷「嗌爆西甲」,now TV噚日舉行開廠儀式,介紹今季新安排。由於首次喺全部380場賽事都加中文評述,所以請嚟全新主持及評述員陣容,3位港隊現役成員謝德謙、梁冠聰同已退役嘅文彼得加入評述團,以球員角度分述形勢!評述員方柏翹睇好皇家馬德里有望成為今季冠軍,仲話「教練施丹有捧杯運,如果親身落場就更好!」

除直播外,仲有連串特備節目,張嘉殷會夥拍兩位西班牙裔主持盧民傑及甄珮娸拍攝Hola Espana!、西甲大人物及地區快報等特備節目。加上今季西甲增加早場場數,球迷在周六下午6點就可以邊食飯邊睇波了!

撰文: 黛安 消息特靈八卦公關
欄名: 八卦名利場