閃嫁8億富商 9月底補辦婚宴 陳少霞想請劉德華去飲

無綫前藝員陳少霞日前低調閃嫁中港「法拉利之父」、現年59歲的八億富商李文輝（Richard），新婚的陳少霞昨日首度現身，透露下月尾補辦婚宴，並有意邀請恩師劉德華出席分享喜悅。

手戴巨型鑽戒的陳少霞，昨日一身貴氣打扮接受黎燕珊主持的《往事‧並不如煙之情書》訪問，暢談新婚生活及婚禮安排，不過在傳媒多番追問下，陳少霞才透露下月廿九日假馬會設婚宴，她表示：「唔會大搞，只係同親友食餐飯，而且婚宴交晒畀老公打點，我唔係太清楚。」問她會否請劉德華去飲？陳少霞表示：「佢好忙喎，成日周圍拍戲，唔知佢有冇時間，不過佢一定會戥我開心，你哋幫我通知佢啦，我都會通知佢。」

大爆老公浪漫求婚

她透露跟老公拍拖大半年，是透過教會姊妹黎曉靈撮合的。提到老公對她一見鍾情，陳少霞甜笑表示：「我對佢印象都好好，都有感動的地方。」她又大讚老公為人細心、善良、感性又愛主：「同佢外表好唔配合。」問到求婚細節，陳少霞自爆被老公直接邀請上婚前輔導：「我揀伴侶要基督徒，佢話不如上婚前輔導，我答佢『好，上囉』！」被問到會否再生B？她則表示順其自然：「睇主畀唔畀，有呢啲好恩典！」

撰文：倪小珊

編輯：黃寶恩

設計：K