阿徐爆Eason做瑜伽keep fit

徐濠縈（阿徐）的銅鑼灣Liger旗艦店昨日舉行時裝活動，更邀得好姊妹鄭希怡（Yumiko）出席。提到陳子聰患病入院，阿徐表示一直有探望對方，何超儀指陳子聰正康復中，阿徐說：「咁咪好囉，做朋友都想佢快啲好，探下佢，精神上支持。（超儀照顧老公有否消瘦？）全部一齊瘦。」她表示未知陳子聰何時出院。問到阿徐和好友們可會多作身體檢查？她說：「同我哋老公講，我哋一班女仔比較健康，Yumiko仲後生，我就有啲年紀，要養生同多啲跑步。」阿徐笑言有叫老公陳奕迅做運動，「佢都肯做，今朝做咗瑜伽，我一定提醒佢要身體健康，以最佳狀態見人。」