宋仲基拍旅遊廣告 「捕捉」Oppa贏獎品

Oppa宋仲基以韓國旅遊名譽宣傳大使身份，拍攝「Creative Korea」廣告，片段於YouTube啟播兩個星期，點擊率超過1,300萬，可見Oppa魅力不減。噚日獲邀出席韓國觀光公社（KTO）活動，聽公關講先知，今日開始廣告仲會喺無綫電視翡翠台、ViuTV等播出，大家唔單止可以睇多幾次Oppa，仲有機會贏獎品。

除咗CashBee交通卡，即係韓國八達通，獎品仲有宋仲基機師造型海報！想帶Oppa返屋企，就要Like咗facebook專頁「KTOHK」同廣告相關貼文；再用手機捕捉廣告中宋仲基Oppa嘅畫面，上載到自己fb，再跟指示加埋hashtag「#KTOHK」等，就有機會㗎啦。

講番活動，公關又講起今年10月釜山觀光公社會舉辦大型韓流文化慶典，用「釜山同一個亞洲」做主題嘅釜山節，10月1日至23日期間，邀請到YG娛樂公司同出身釜山嘅歌手舉行演唱會，仲會有唔同美食，美容、韓星等相關節見同展覽，聽到想買機票去當地親身感受一下。