《為食神探》接檔冇壓力 馬明望定欣找到幸福

馬國明昨日到西貢宣傳新劇《為食神探》，劇集將緊接上周收視達28點的《城寨英雄》播出，馬明說：「冇壓力，大家題材唔同。」

有指無綫找馬國明與舊愛胡定欣孭飛拍《同盟》，後來改為陳展鵬，馬明否認說：「完全冇聽過搵我，我亦唔介意（與定欣）合作。」定欣早前與音樂人陳明道分手，問馬明可有機會與對方復合？他強調：「我同定欣已經變咗好好嘅朋友，希望佢開心幸福。佢已經拎咗視后，唔使將所有注意力放喺工作，始終女仔搵個錫自己嘅男人係最幸福。」

同場的黃翠如以熱褲上陣，《為》劇將與男友蕭正楠的《巨輪II》同日首播，她說：「唔會打對台，我會捧佢場。」有指蕭正楠在劇中有不少床戲，翠如回應：「我希望唔會睇到呢啲場口！其實我同祥仔（阮兆祥）都有床戲，但我唔會同男友排戲。」

採訪：李潔盈

攝影：Lego

編輯：陳禮恒

設計：梁政敏