紅館騷開鑼 城城自爆恨結婚

郭富城在紅館舉行15場個人演唱會前晚開鑼，城城帶來連串勁歌熱舞的同時，在完騷後卻有感而發，真心剖白希望有日可成家立室。

重踏紅館舞台的城城首場就唱到11點半完場。談到個唱舞台，城城表示該智能舞台有許多變化，在個唱中多幕高難度演出，他強調有佩戴安全帶，而且事前請測量師量度過舞台台架，確保將意外機會減到最低。

在台上提到想盡快成家立室的城城，被問到會否加快進度？他直言：「偶爾我都希望能夠同大家分享一下我嘅人生，或者可以透露一點點將來嘅計劃，希望大家能夠默默祝福我，我覺得人大咗，有一天還是會有成家立室嘅機會。」不過，他強調現在還是以事業為重心，成家立室還是要看緣份。問到女友方媛（Moka）可有到場？城城坦言對方因工作而未能看其首場演出，但表示女友一定會來睇騷，他說：「佢有祝福我good show，過幾日等佢工作冇咁忙，佢都會飛嚟睇我。」

人生有幾多個26年？

城城的「舞林」系列演唱會已來到第四回，他坦承要突破過去有壓力。「我想對得住大家，令大家感受到我係會繼續努力。」城城又謂最令他感觸到幾乎灑下男兒淚，是他邁向入行26年，已第八度踏上紅館舞台的他說：「人生有幾多個26周年？再過26周年，好話唔好聽，可能我都『ham』（死）咗，呢幾年好多重要嘅朋友離開咗，我仲可以企喺台度同大家表演，係值得嘅。」

撰文：Pauline

編輯：林梓添

設計：梁政敏