AMOREPACIFIC慈善套裝 全球限量300套

韓國最大護膚及化粧品集團AMOREPACIFIC旗下同名品牌前年「登陸」香港時，將王牌產品一年收入捐作慈善，唔少人都覺得印象深刻。品牌一向強調「心善則美」理念，最近仲有新作，聽AMOREPACIFIC Hong Kong市務總監鄭載歡講，集團早前邀請大美人鍾楚紅（紅姑）前往韓國濟州島，率先到訪從未對外開放嘅西廣茶田，即係品牌嘅原產地親身體會「雨前一刻」。

紅姑親身拍攝慈善相集

「雨前一」係AMOREPACIFIC王牌產品重要成分，講緊佢哋只會選用每年四月天、早春穀雨前15日朝早10點前採摘嘅「初出第一片綠茶嫩葉」，愛好攝影嘅紅姑親身喺當地見證「雨前一刻」之餘，捕捉到多個大自然珍貴一刻，結集成慈善相集《Precious》。紅姑都透露，今次行程緊湊得嚟好享受，覺得好有以前拍戲時嘅感覺。紅姑講起去綠茶園拍攝時，發現當地摘茶葉嘅婆婆抬起頭嗰一刻，個個都化咗完美粧容，原來佢哋個個好注重自己儀容，做足防曬工夫，仲搽埋唇膏𠻹！