【聲明】港生活網站並無進行電話推廣活動

AMOREPACIFIC慈善套裝 全球限量300套

發佈時間: 2016/08/24

韓國最大護膚及化粧品集團AMOREPACIFIC旗下同名品牌前年「登陸」香港時,將王牌產品一年收入捐作慈善,唔少人都覺得印象深刻。品牌一向強調「心善則美」理念,最近仲有新作,聽AMOREPACIFIC Hong Kong市務總監鄭載歡講,集團早前邀請大美人鍾楚紅(紅姑)前往韓國濟州島,率先到訪從未對外開放嘅西廣茶田,即係品牌嘅原產地親身體會「雨前一刻」。

紅姑親身拍攝慈善相集

「雨前一」係AMOREPACIFIC王牌產品重要成分,講緊佢哋只會選用每年四月天、早春穀雨前15日朝早10點前採摘嘅「初出第一片綠茶嫩葉」,愛好攝影嘅紅姑親身喺當地見證「雨前一刻」之餘,捕捉到多個大自然珍貴一刻,結集成慈善相集《Precious》。紅姑都透露,今次行程緊湊得嚟好享受,覺得好有以前拍戲時嘅感覺。紅姑講起去綠茶園拍攝時,發現當地摘茶葉嘅婆婆抬起頭嗰一刻,個個都化咗完美粧容,原來佢哋個個好注重自己儀容,做足防曬工夫,仲搽埋唇膏𠻹!

撰文: 黛安 消息特靈八卦公關
欄名: 八卦名利場