近年，尖沙咀被指正在「行地運」，人來人往，非常熱鬧。其實這區向來是遊客聚腳地，美食選擇更是花款多多，既有改裝小食亭的慢煮美食，亦有異國Feel極強的咖啡店，還有日式混合意大利的甜品店，以及傳統雲吞麵。行一圈，包你也有食神運。
1. $48牛仔骨配粗薯條 慢煮工業
本地公園內的小食亭，想當然是供應汽水、零食。但在尖沙咀的百周年紀念花園，有個年輕小伙子決定Think out of the box，將傳統小食亭改頭換面，提供「慢煮」美食，短短七個月，成功吸引一班愛Chill生活的捧場客。
「慢煮工業」的老闆Andy說：「尖沙咀呢區嘅人比較匆忙，而百周年紀念公園就相對悠閒，希望嚟到呢度嘅人，一邊歎住我嘅嘢食，一邊輕鬆下。」Andy這個概念當然新穎，不過申請牌照過程困難重重，連改裝小食亭釘多一口螺絲，也需繁複手續，他笑言回想當時的工程，猶如一場噩夢。
為甚麼Andy會選擇慢煮烹調呢？原來約年多前他嘗過名廚Gordon Ramsay餐廳的出品，對「慢煮」技術產生興趣，便租用一間Studio不斷嘗試慢煮烹調，差不多鑽研五個多月才成功。Andy說：「剛開業嘅時候，分量好難預計。最難忘係有日，客人見我哋切緊牛扒、牛仔骨，但其實未慢煮處理，都叫我哋照整畀佢食，佢話唔介意。不過最後我都拒絕咗，因為唔想賣名不副實嘅食物畀客人。」
慢煮，是經過長時間的烹煮，慢慢保留美食的芳香。這好比人生，亦需要經過長時間的磨練，才會熬出美麗人生。
慢煮工業
地址：尖沙咀麼地道63號市政局百周年紀念花園小食亭
電話：9325 6625
2. $40 Magic咖啡 N1 Coffee & Co.
「N1 Coffee & Co.」開在K11商場附近的一條隱秘小巷內，感覺異常寧靜。店名改得簡單，皆因位於尖東站N1出口附近，易記又有地標性。
老闆阿EL，從事咖啡行業已經13年，他表示當初入行時，咖啡仍未普及，近幾年漸成潮流，因此兩年多前決定開一間實體店，將咖啡文化傳遞開去。
阿EL說：「尖沙咀遊客多，特別係歐洲嘅客人，近年半突然多咗好多東南亞地區嘅客人，因為當地嘅咖啡文化開始興起，嚟到香港，都想歎杯靚啡。」店內最出名的「Magic」，以雙份Espresso沖泡，你可能會問：雙份Espresso不會更苦嗎？阿EL解釋：「不會太苦，反而會將咖啡攝取嘅時間縮短，苦味會更加弱，出嚟味道帶甜，而咖啡香亦唔會減弱。」
除了有特色咖啡，食物亦夠獨特，全部來自阿EL多年旅行時試過的美食，賣相更有外國Feel。
N1 Coffee & Co.
地址：尖沙咀麼地道34號地下G舖
電話：3568 4726
3. $58 Mango Tango甜品 Owl's Choux & Gelato
「Owl's Choux & Gelato」老闆Ricky在旅行時吸收靈感，想到用泡芙夾Gelato作為舖頭主打，每款美食亦是Ricky與拍檔Winnie的心血結晶。
Winnie在法國藍帶學院畢業，做甜品基本功紮實之餘，更會加上無限創意同心機。好似泡芙，材料「萬變不離其宗」，坊間的泡芙大都做得鬆泡泡，她卻用美國雞蛋同五種麵粉炮製，泡芙面層加多層曲奇皮，入口應聲裂開，內裏鬆軟有彈性，亦有濃濃蛋香。
店內的Gelato更吸引，處理相當講究，放在價值15萬的意大利雪糕櫃內，每格都有獨立玻璃蓋，不怕開合時影響溫度，保持雪糕的質感。事實上，Gelato在Winnie的工場自製，堅持用真材實料和澳洲牛奶做，堅拒用雪糕粉和添加劑，名副其實handcrafted。
Owl's Choux & Gelato
地址：尖沙咀麼地道32號地下
電話：2889 8227
4. $30鮮蝦雲吞麵 新大光燈
「新大光燈」以往一直開在紅磡巷仔，以大光燈為標記，專做港人熱愛的傳統雲吞麵，因店主及師傅退休而一度消失。2013年，有心人找來老師傅監控，開了間新大光燈，重彈舊舖的調子，同樣得到食客青睞。舖頭更衝出紅磡，在尖東巷仔開分店，連老闆都話位置有本店風味。
食物與紅磡的一樣，雲吞麵、豬手麵、粥品及即拉腸粉等都有，而且更有港人愛吃的複雜處理的新鮮豬雜及第粥。新大光燈堅持從上水屠房買來新鮮豬雜，再加上每朝煲足三小時、加入腐竹的粥底，粥味鮮甜。
雲吞麵師傅話與巷仔時期比較略有改變，雲吞多加了蝦肉；即拉腸粉夠滑溜，炸兩中的油條是半製成品，在有客人柯打時再即炸，令油條鬆化不硬夠新鮮。傳統與新穎混合，味道更有驚喜，確實不能錯過。
新大光燈
地址：尖沙咀麼地道67號半島中心地下G36號舖
電話：2641 4188
撰文：唐蔚霖
編輯：余運慶、余敏
攝影（部分）：林良明
插畫︰何樂、Human Ip
設計：大雄