Super Sandwiches 新形象夠晒Fresh！

呢排唔少活動見到羅蘭姐嘅身影，果然魅力非凡，其中Oliver's Super Sandwiches微電影廣告好搞笑，搵羅蘭姐扮英女皇玩穿越時空。公關話，品牌迎接30周年，推廣「Eat is Your Life」健康飲食概念，新分店仲以英倫feel形象登陸apm，所以先有今次微電影廣告。

點先算係Eat is Your Life？公關話，除咗講緊飲食需求，亦要有個人品味同追求生活質感，所以apm分店嘅設計以舒適環境為主，好似卡位新增靠背長椅，啱晒大家同朋友聚會時舒舒服服咁傾偈。另外，大家可能留意到，餐廳食物櫃枱都變埋開放式，睇落係咪寫意輕鬆好多呢？

配合新形象，梗係要有新餐單，品牌就推出全新「Surf & Turf海陸美饌」主題menu，話要提供一系列健康好味嘅「營」格選擇，3款精選菜式包括炸魚柳黑松露碎蛋沙律多榖法包、海陸千層酥同海陸公司三文治。品牌都知顧客對健康之飲食好有要求，精選菜式之外，仲搵埋名人徐子珊（Kate）一齊設計咗「藜麥紅菜頭沙律」𠻹！