黛安
黛安

《五個小孩的校長》童星 跟煤氣義工整月餅

發佈時間: 2016/09/01

《五個小孩的校長》童星 跟煤氣義工整月餅

中秋節是代表中華文化的節日之一,但絕非華人獨享。煤氣公司星期一就喺尖沙咀名氣廊首次搞「二人同手」整月餅活動,安排20多名少數族裔朋友仔同香港義工好似玩「二人三足」咁綁起手合力整月餅,過程極考驗默契,雖然唔少人第一次落手,但過程順利,果然體現到香港係多元社會,不同種族、文化要共融,完全無難度!

今次活動連電影《五個小孩的校長》裏面的童星Kitty和Jennie都有參加。大家除咗彩色月餅,仲學埋整燈籠,挑戰及趣味度都滿分。煤氣公司執行董事暨公用業務營運總裁黃維義話,希望少數族裔朋友透過活動可感受節日氣氛,遲啲仲會搞文化導賞團畀公眾去少數族裔聚居地加強交流添。

撰文: 黛安 消息特靈八卦公關
欄名: 八卦名利場