《老友記》赴台拍特輯 Bobby羅蘭大搞忘年戀

劇集《一屋老友記》早前收視及口碑俱佳，歐陽震華（Bobby）、羅蘭、劉江、呂慧儀、張頴康及張彥博昨晨在機場集合，一齊出發到台灣拍攝《一屋老友去旅行》特輯。

歐陽震華稱今次行程由台北到台南，再落墾丁，預計拍攝十多日。他笑言：「羅蘭姐負責滑水和攀石，我就負責陪住佢，好大責任㗎。我仲會揸電動車載羅蘭姐去買嘢，上演一幕忘年戀。」Bobby又指劉江會在民宿下廚，大家可以一嘗劉老師的手勢。

談到節目將於台慶月播出，Bobby希望向觀眾帶出孝順長者的信息，他續說：「我係負責喺羅蘭姐附近斟茶遞水。（做阿四？）冇所謂，係我嘅榮幸。」

長腳蟹首次拋低蟹籽

「長腳蟹」呂慧儀今次丟低老公同兩歲囝囝拍旅遊特輯，她表示：「未試過離開囝囝『蟹籽』半個月咁耐，我幾想攬住佢，不過佢都要獨立啲。（會否擔心老公湊唔掂？）我都同兒子講咗，叫佢包容啲，亦向老公列出要注意事項的清單。」

撰文：Pauline

編輯：陳禮恒

設計：梁政敏