【聲明】港生活網站並無進行電話推廣活動

Tsum Tsum加Barbie 屈臣氏同步曬冷!

發佈時間: 2016/09/02

前幾日經過屈臣氏,見到好多勁cute嘅Tsum Tsum家品,包括廚具連掛架套裝、冰模及冰棒套裝、加大雙人床單套裝,最吸引嘅係26吋行李篋,最啱鍾意去旅行一族!原來呢啲家品可以用屈臣氏電子印花換購,易賞錢會員憑易賞錢卡喺門市購物每滿50蚊,就有1個電子印花,儲夠15個印花,加399蚊就換到個靚靚行李篋,個篋原價成千蚊㗎!

除咗Tsum Tsum,舖頭入面另一位「女神」都好搶眼,就係屈臣氏獨家限量的Barbie精品,嗰兩個保溫杯超靚粉!店員教路,雖然呢系列產品原來都過百蚊,但依家任何嘢加多幾十蚊就可以換購,計起來仲抵過四折。

逛完屈臣氏行返公司,黛安一路諗有咩必需品要買,喺換購Barbie杯同時儲最多印花。及後返到公司,居然畀我見到實習同學仔已經用緊兩隻Barbie杯,依家啲90後認真快手!

撰文: 黛安 消息特靈八卦公關
欄名: 八卦名利場