陳展鵬加國登台 無探鍾嘉欣

陳展鵬剛從加拿大返港隨即趕返電視城出席《為香港運動員再加油》錄影，問到在加拿大可有順道探望剛誕下B女的鍾嘉欣？他說：「我喺多倫多，佢喺溫哥華，不過有send message恭喜佢。」今次與鄭嘉穎一齊登台，可知道對方不續約TVB？展鵬表示：「係咩？好少講呢啲，佢幾年前已經講江湖再見啦。世界係圓嘅，依家都好多人返嚟拍劇。」

同場麥明詩（Louisa）在葉念琛的新片中，再與傳緋聞的何浩文合作，她笑指自己不是女主角。至於可有親熱戲，Louisa表示只知道有拖手戲份，那男友林作是否知情？她只輕描淡寫表示：「都係返工啫，同朋友會提起下囉。」