軒仔講有味笑話 要睇阿Sa全相

張敬軒、Twins與許靖韻昨日出席港台廣播劇記者會，大會安排他們以盛裝出場。回復單身的蔡卓妍（阿Sa）得戚地表示，讀書時曾主動出擊追求心儀對象，且每次都成功。

活動上，軒仔「睇相佬」上身指DJ司勳可望明年結婚，阿Sa聞言即問軒仔她何時才會結婚，軒仔抵死謂：「你就要睇全相先知！」令阿Sa笑得人仰馬翻。

事後受訪時，阿Sa被問到軒仔要睇她全相，她即表示：「My pleasure！我見到佢Instagram啲post好好笑，都會send message畀佢，都唔知佢個腦諗乜！（佢成日講鹹濕笑話？）頭先都講咗好多啦！」

阿嬌未試過逼婚

談到阿嬌在廣播劇內的角色十分恨嫁，與男友拍拖多年的她，有感許多女仔拍拖一段時間都會逼男友結婚，但自己卻未試過，問到她拍拖是否總是不長久，阿嬌笑言：「咁我（年紀）都唔係好大啫！」

講到阿Sa劇中的角色比較主動，現實中的她遇到理想對象可是主動出擊？阿Sa笑言：「細個讀書會主動啲，但唔會傻豬豬咁貿貿然，梗係feel到對方都有意思先，依家唔會喇。（試過食檸檬？）咁又冇，要好有信心先會，冇理由搵架嚟丟。」在旁的阿嬌則表示自己都不敢做主動，不過阿Sa就坦言女兒家都希望有男仔向自己求婚。

撰文：Pauline

編輯：林梓添

設計：招潤洪