【聲明】港生活網站並無進行電話推廣活動

孖住寵物上郵輪 瑪麗皇后II號歎世界

發佈時間: 2016/09/07

享受郵輪假期,沿途景點重要,郵輪上各項設施更重要。最近獲香港嘉年華集團亞洲區總監兼郵輪專家鍾姚賽玉(Nancy)邀請,登上斥資數百萬美元進行翻新嘅瑪麗皇后II號(Queen Mary 2),歎到美食兼享受船上美輪美奐嘅設施,簡直係一流體驗。

呢日上船仲見到唔少識飲識食又識玩的名人,包括《晴報》社長麥華章、專欄作家項明生等等,大家一齊分享唔少郵輪旅遊心得。

年初「三后」齊訪港

瑪麗皇后II號係英國皇后郵輪(Cunard Line)船隊旗下「三后」之一,今年3月連同維多利亞皇后號同伊利沙伯皇后號兩艘頂級豪華郵輪相繼訪港,大家都讚嘆「3 Queens in Town」。當時商務及經濟發展局長蘇錦樑都話對旅遊業好有意義,反映香港作為郵輪旅客目的地嘅吸引力。

講番今次「皇后」工程重點,除咗新設30間Britannia Club套房、15間全新單人套房,更是全球唯一一艘提供寵物住宿位置嘅豪華遊輪,以後外遊歎世界,唔使留低寵物係屋企啦!

撰文: 黛安 消息特靈八卦公關
欄名: 八卦名利場