孖伍允龍見老友 劉佩玥堅稱無拖拍

劉佩玥（Moon）和伍允龍早前孖公仔出席Jessica C.和安志杰的朋友聚會，因而被認定在蜜運中，昨日阿Moon出席活動，再被追問與伍允龍關係，她堅稱沒有拍拖，但不介意一切由朋友開始，又叫大家代她問對方的心意。

一年一度的「香港網球公開賽2016」將於10月舉行，身為指定廣播機構的TVB昨日在銅鑼灣舉行發布會，派出劉佩玥和沈卓盈為出戰的香港球員吳希澄打氣。活動後，阿Moon被追問是否已認定伍允龍是男友？她強調：「無拍拖，（你同伍允龍一齊出席安志杰同Jessica C.的聚會？）真係無拍拖，其實我同JC都認識，亦唔係首次出席對方嘅家庭聚會。」阿Moon堅稱只是想見JC個BB女，不過就直認是由伍允龍認識對方，還說好朋友介紹好朋友是合情合理。問到她是否擔心戀情見光死，所以一直口密？她笑言：「潮流都興大方公開，咁我真係唔係拍拖。」

一切從朋友開始

阿Moon被多番追問下，說一切都是由朋友開始，緣份不可強求，她說：「我好享受單身，同佢做好朋友都唔錯呀，其他事交畀神安排啦。」不過，記者取笑伍允龍何以只帶她出席老友聚會，而不帶《城寨英雄》中的媽媽元秋去？阿Moon立刻語塞，並謂：「我唔知點講，你哋今（昨）晚活動（《城寨慶功宴》）問佢本人啦！」在旁的沈卓盈也好奇伍允龍與阿Moon的關係，又大讚他們是俊男美女，不妨考慮對方。

採訪：Pauline

攝影：林良明

編輯：林梓添

設計：梁政敏