黛安
黛安

「神奇小子」曹星如 教太興老闆打拳?

發佈時間: 2016/09/08

「神奇小子」曹星如 教太興老闆打拳?

「咦?乜原來陳老闆同JoJo識打拳㗎?」朋友傳來一幀合照,是太興老闆陳永安、董事兼總經理陳淑芳(JoJo)與「神奇小子」曹星如(Rex)手戴拳套、蓄勢待發咁樣,三人姿態入型入格,所以黛安有此一問。對方笑言:「唔係呀!係曹星如教佢哋擺甫士咋!」唔知佢哋當下有無向阿Rex學番兩度散手呢?

聽公關講,雖然陳老闆無學過拳,但佢本身都好鍾意睇拳擊賽㗎!加上曹星如作為本地傑出運動員,特別欣賞佢嗰種拼搏、用心嘅精神,所以太興最近搵咗佢合作,希望藉今次機會,為支持香港運動員出一分力。

爭取連勝20場

相信不少朋友都想一睹阿Rex的風采,依家機會嚟喇!由即日起至9月15日,只要登入太興facebook專頁,留言講低最想同Rex講嘅打氣說話,即有機會得到10月8日舉行的「Battle of Victors勇者對決」拳賽賽事門券!

提起阿Rex,絕對要用「香港勁揪」嚟形容。事關年僅19歲嘅佢,已先後贏得世界拳擊理事會(WBC)亞洲洲際超級蠅量級金腰帶,亦係世界拳擊組織(WBO)亞太超蠅量級金腰帶擁有者。今次太興送出嘅門票,更加係Rex爭取20連勝嘅賽事,絕對不容錯過!

撰文: 黛安 消息特靈八卦公關
欄名: 八卦名利場