黛安
黛安

坐國泰經濟艙 歎高級中菜

發佈時間: 2016/09/08

坐國泰經濟艙 歎高級中菜

國泰航空不時與著名食肆合推特色美食,但往往係頭等及商務機艙乘客先至有口福,但今次特選經濟及經濟客艙乘客終於有份!

最近國泰同高級中菜館卅二公館合推飛機餐,今個月由香港出發的指定長途航班,包括澳洲、歐洲及北美洲航綫,各個客艙乘客均能品嘗。

卅二公館主理新派中菜,開業唔夠四年已打響名堂,今次同國泰合作,提供29款菜式,涵蓋湯、前菜、蔬菜、主菜同甜品。經濟客艙乘客可以食到鹹檸檬雞。原來呢個菜式,係公館主廚李文星師傅嘅婆婆以前經常煮畀佢食,以自家製鹹檸檬醃雞肉,菜式味道清新帶甜,仲充滿親情味。

至於商務艙則可以食到「醬烤三弄美國安格斯牛肋骨」,呢道菜以安格斯牛肋骨經過煎、炆、慢煮,好受食客歡迎㗎。

撰文: 黛安 消息特靈八卦公關
欄名: 八卦名利場