3號張寶兒唔信 友誼小姐三甲不入宿命

《2016香港小姐競選》十位候選佳麗昨日互選友誼小姐，結果由大熱3號張寶兒（Bowie）當選，獲眾人吻賀。提到歷屆友誼小姐大多三甲不入，Bowie笑說：「兩者冇直接關係，邵珮詩（2014年度）都係友誼小姐同冠軍啦，有台型都可以好親善。」

3號張寶兒表示一眾佳麗感情十分要好，所以對自己得獎感到愕然。「大家好真誠真摯，好好朋友，我自覺人緣唔算特別好，但大家都投票畀我，好感恩。」她自言投了10號單文柔（Phoebe）一票，大讚對方對朋友非常好，「Phoebe會幫我哋約時間、搵地方整指甲，佢係我心目中嘅友誼小姐。」

單文柔否認做是非精

10號單文柔亦表示自己投張寶兒一票，大讚對方優點多多，是她的學習對象。提到有周刊指她為港姐「是非精」，專門黐大熱佳麗搞小圈子，又刻意討好工作人員。她昨日否認說：「報道話我整蛋糕送畀保母同海外佳麗，其實我根本唔識整蛋糕，亦冇買蛋糕同手信畀工作人員，報道只係得啖笑。」

採訪：李潔盈

編輯：林梓添

設計：梁政敏