「李純恩」好樣的

我原以為「李純恩」只識飲識食識旅遊，卻原來他也識政治，識歷史，沒有失憶。

不過網上又傳來「李純恩」的舊文章，是講港人對中央政府的睇法。大駡港人對中央的不信任、對中央對港扶持不知感恩。此文已獲真的李純恩否認出自他手筆。但此篇「偽文」觀點有趣，且刊出與讀者共賞：

港人亂開炮 枉談民主

1.回歸15年，誰在香港最無言論自由？係中央，佢打個吃嚏都畀港人鬧爆。有人話，中聯辦就快連行出街都畀人告遊蕩罪。

2.雙非兒童-這漏洞係香港自己一手造成。中央曾話過父母無居港權，在香港出生的兒童都一樣無，係港府/法院自己死執住莊豐源案話有，先搞到今日田地。難聽點講，蝗蟲災難唔係中央指使入侵，係港人自己傻仔打開後門叫人入嚟。

3.中央當年應承2012年普選，是某位前議員帶頭做枱底交易話要2017。點解？特首選舉已畀了答案你。

4.誰逞英雄幫菲傭搞居港權？係公民黨。但雙非嬰問題上，這班所謂議員有好似幫菲傭咁落力實質做啲嘢幫港人同政府爭取過咩？而阻撓實行最低工資最賣力係邊個？係地產黨在立會代言人。

5.點解抗拒梁振英做特首？唔係口口聲聲成日話政府弱勢對住班有錢佬無辦法？今時終於有個唔賣有錢佬帳的強人出現，港人又唔要，究竟想點？

6.幾年前東江乾涸，廣東省人勒緊褲頭捱制水，中央都唔肯減少一滴供水畀香港；你地諗住抗議班人，當年有幾多個自動節約用水同國家共度時艱？

7.自由行係邊個要求的？係港人，因為沙士後百業蕭條，要靠大陸泵水。亦係港人要求CEPA攞着數的。

回歸近20年，中央對港人做過甚麼壞事，要如此不共戴天處處撑到行？中央做又被鬧干預，不做又被鬧唔支持。香港小市民，中央從無係你手上榨取過一分一毫，榨乾港人的是地產黨、賣港賊同一眾貪官。中央給予的利益被他們蠶食，中下階層就付出代價。港英時代有過民主嗎？港督由英國直接委任，事事向英國交代，這叫民主，這叫不干涉香港事務！請各位用良知去做正確選擇。

現屆政府 房策為港人

以前「李純恩」也有篇文章被人網傳，真的李純恩否認是他所撰，如今不是也不要緊，反正筆者不捧權威，只講理，文章有理便值得大家看，文章無理，話之你係玉皇大帝，都不用理。

今時不少政論分析員會拿今次選舉結果來謂梁振英施政不得民心，態度硬，不肯協妥，對此，筆者只提三點。

⑴哪些施政舉措不合民心？

房屋政策要合無殼族之心，就一定不合地產佬，有N個物業者之心，你要合哪個心？

⑵態度硬故政改被拉倒，這是政府責任還是議員責任？政府要袋住先，議員要一次交易完成，結果今時是袋住先又無，一次交易完成又無。百無，就是一些議員所想要的，因為只要有一點，這些反對議員便無作用。

⑶不少反對聲音謂只要不是梁振英做特首，邊個做都得。這個說法不是可笑到極？找曾蔭權，找董建華出來做，是否就會行政立法關係和諧！

筆者只知，董建華要建八萬五，便要腳痛下台，曾蔭權建屋建八千五，便可平穩離任，梁振英再提加速樓房供應，亦遭炮轟，香港人還看不明白，地政署真的是：「地」、「政」相連？

筆者不是梁粉，對他處理僭建、行李事件是有意見的，但以執政事言，是以事論事，那些批評今時政府施政者，都先答答「李純恩」的歷史題，有了答案，對政府有幾多批評，隨便你。