自稱年紀大 祥仔拒絕再演豬八戒

黎耀祥前晚出席有份配音的動畫電影首映禮，曾在電視劇中扮演豬八戒的祥仔，今次在戲中聲演孫悟空，但他直言年紀大已不能再演豬八戒，更自嘲只能演如來佛祖。

祥仔前晚與林夏薇等出席動畫電影《西遊記之大聖歸來》首映禮，曾在96年劇集《西遊記》中飾演豬八戒的祥仔，其生鬼演繹令不少觀眾印象難忘，相隔20年後，祥仔為西遊記動畫電影配音，不過就聲演豬八戒個師兄孫悟空，問祥仔可有興趣演真人版孫悟空？祥仔斬釘截鐵說：「唔想！」他坦言很抗拒演孫悟空時要黐滿成身毛，而且要打功夫，祥仔表示：「唔好話孫悟空，再做豬八戒都唔得，因為已經成20年前，當年啲打戲都係親身上陣，唔識打先至搵替身，依家年紀大喇，唯一可以演嘅係如來佛祖，仲要係一日拍晒。」

為探囝囝美國騷價八折

而祥仔的18歲兒子早前遠赴美國升學，心繫囝囝的他不時與對方傾視像，祥仔表示：「我十月會去美加登台，順道探下個仔，所以依家去美加登台八折。」至於人妻林夏薇則以性感裝束現身，她表示老公從來不會過問她的衣着，強調穿衣會看場合之餘亦會大方得體；首次為動畫配音的夏薇大呼好玩，但就自爆曾經低估了配音技巧：「最初以為好簡單，點知試咗兩句就深受打擊，後嚟配咗幾個鐘先完成。」

撰文：倪小珊

攝影：Lego

編輯：林梓添

設計：梁政敏