灣仔汕頭街,只有短短100米的小街,可謂臥虎藏龍,各國美食應有盡有,先有外賣正宗意粉店,再來日式三色飯,行遠一點,更有英國式咖啡店,香味傳千里。
1. $40拍青瓜車厘茄 Cheeky Pasta
「Cheeky Pasta」的老闆Roberto與大廚亞芙,足足等待一年,才落腳灣仔汕頭街。
Roberto說:「我等咗一年先有吉舖,因為呢度有『倔頭巷』,加上呢區多人口,多老人家,多居民,鄰舍之間的關係緊密,街道嘅可塑性好高,又有唔同嘅舊舖,令到整條街變得多元化,我好鍾意呢種感覺。」問到名字的由來?Roberto說:「當時我搵咗出名的畫家林祥焜幫我以亞芙個樣作為Logo,但後來改名時,亞芙話用自己個名改,呢一下令我覺得佢好Cheeky(厚臉皮),加上呢個名有種調皮嘅感覺,配合我哋Fusion嘅菜式。」
二人相識12年,Roberto從事餐飲業多年,大廚亞芙從事Production,廚藝亦相當有水準,希望嘗試做生意,二人繼續合作,以外賣店的形式,主打歐洲正宗意粉,口感特別「彈牙」,亦不會過硬。他們更將中式概念轉化為意粉的醬汁,Fusion中帶出驚喜。
提到Fusion菜式,推介之一是「拍青瓜車厘茄」,Roberto表示曾吃過凍薑醋,一試難忘,於是將薑醋味道與沙律結合,配搭新鮮青瓜及車厘茄,味道竟然天衣無縫,夏天「開胃」,冬天更是「暖胃」。他們又將醬汁製成雪條,在店內寄賣,創意得天馬行空,教人拍爛手掌。
Cheeky Pasta
地址:灣仔汕頭街4號地下B2A號舖
電話:2325 2725
營業時間:星期一至日,12:00-21:00
2. $78手打和牛漢堡燉肉汁 Cats' Eye Bistro
「Cats' Eye」落腳汕頭街近一年半,甫走進店內,感覺就像置身日本洋食屋。店主希望大家嘗到美食,更吃得健康。港人老闆Benjamin,從前在工作時曾與日本退休大廚合作,大廚家人長時間留港,卻吃不到美味正宗的日式漢堡扒,因此有感而發,與Benjamin共同創出以美味「漢堡扒」為主打的食店。
為甚麼會選擇灣仔開店呢?Benjamin說:「其實我哋之前喺灣仔廈門街嘅拉麵店,由日本拎個品牌返香港,大廚亦有協助佢哋經營,直至做到站得住腳,喺呢個過程之中,對灣仔呢區亦產生咗感情。」而店名「Cats' Eye」來自三色飯的賣相,就像貓兒的眼睛。而曾於淺草著名洋食店工作的大廚,擅長以日式素材,烹煮平民價日本料理。小店食材全是來自日本,不少菜式更採用低溫慢煮的方法,醬汁又加入蔬菜,少油少鹽,健康美味。
這裏最受歡迎是「手打和牛漢堡燉肉汁」,漢堡扒每日限量發售,牛肉汁以牛肉、牛骨、大量蔬菜、番茄汁與紅酒,經三天時間熬製,盡得菜與肉的美味精華。
Cats' Eye Bistro
地址:灣仔汕頭街25號地舖
電話:2891 8986
營業時間:星期一至日,11:00-15:00、18:00-21:30
3. $30意大利焦糖布丁 Empress Cafe
在汕頭街街尾轉入小巷,便會見到隱世英式咖啡店─「Empress Cafe」。小店落腳明仁里接近兩年,店名意譯皇后咖啡店,位置接近皇后大道東,而老闆娘Ivy原來今年六月才接手咖啡店。
Ivy說:「當時我喺網絡上見到呢間舖搵人頂手,我被呢度嘅吧枱吸引,讓客人與我之間有緊密嘅關係。我97年開始從事餐飲業,後嚟去到外國進行不同嘅美食參展,漸漸愛上西餐。今次接手,可以讓自己嘅理想延續落去。」
接手過後,Ivy仍堅持昔日「Empress Cafe」的風味,同時亦推出新美食,特別是「意大利焦糖布丁」,來自意大利的布丁急凍至零下18度,每日需要八小時解凍,味道才最佳。
Ivy現時全身投入咖啡店工作,她指家人與身邊的朋友均指小店地理位置不太理想,擔心未能吸引大量人流,但Ivy依然堅持,只因熱愛飲食,希望自己的夢想可延續下去。
Empress Cafe
地址:灣仔明仁里3號安興大廈地舖
電話:2528 3308
營業時間:星期一至六,12:00-21:00、星期日,12:00-17:30
撰文:唐蔚霖
攝影:林良明
插畫:何樂、Human Ip
編輯:余運慶
設計:大雄