【聲明】港生活網站並無進行電話推廣活動

樂富「屍囚之路」 3D喪屍嚇鬼你

發佈時間: 2016/09/13

下個月就到萬聖節,黛安最鍾意挑戰刺激,噚日收到風話樂富廣場開咗萬聖節鬼屋,黛安當然第一時間去試玩啦!今年嘅鬼屋主題係「屍囚之路」,玩家要通過監獄兼記低隱藏嘅密碼,非常刺激!一行入去就有獄卒喪屍幫玩家辦理「入獄手續」,影番張犯人照先「上路」。

最特別嘅係,鬼屋內今年新加入咗Hologram 3D立體浮空投影技術,虛擬女鬼隨時漂浮出來,驚嚇度滿分!另一個驚喜,係採用咗Face Detection技術嘅「驚魂照屍鏡」,玩家照鏡時塊面會被畫到「鬼五馬六」,黛安都係第一次畀自己個鬼樣嚇親咋!

3D浮空投影 女鬼立體飄出

細膽嘅朋友都唔使驚,因為鬼屋外有3個攤位遊戲,獎品包括文件夾、公仔等。領展公關姊妹話今年嘅鬼屋同攤位繼續係免費參加,只要喺樂富廣場、黃大仙中心等指定領展商場或街市一星期內消費滿400蚊或以上,就有機會換領快證去「撞鬼」。

撰文: 黛安 消息特靈八卦公關
欄名: 八卦名利場