樂視下周一搞購物節 ＄919搶43吋超級電視

樂視迷有好消息呀！事關樂視將於下周一（19日）首次喺香港舉行「919樂迷購物節」，開售旗下影視、體育會籍及產品，大家只要喺當日指定時間登入LeMall.com，就可以低至399蚊搶購會籍連點播券及超級手機Le Max等，而43吋超級電視Super4 X43連影視會員加體育組合（原價3,545蚊），都係919蚊咋！真係好抵！以往呢啲筍貨只有內地粉絲享受到，今次樂視將優惠拓展到香港、美國、俄羅斯、印度，聽到黛安蠢蠢欲動，想即刻上去搶！

樂視副總裁暨亞太區執行總裁莫翠天話，睇好互聯網發展空間，有信心19號當日各地購物節的銷售額可高達40億元人民幣（約46億港元）。其實樂視今次真係重鎚出擊，預計以8億元人民幣（約9.2億港元）回贈客戶。