黛安
黛安

3香港前綫員工 奪10個「微笑員工」獎

發佈時間: 2016/04/08

3香港前綫員工 奪10個「微笑員工」獎

零售行業前綫員工好重要,對顧客多一分細心,多一個微笑,足以影響顧客對品牌嘅感覺。收到3香港姊妹傳來喜訊,3香港員工果然好勁,憑住優異服務質素,有10位員工成功喺香港神秘顧客服務協會(協會)「微笑員工大獎」。

點解讚佢哋勁?話說協會每年舉辦「微笑企業大獎」同「微笑員工大獎」,「微笑員工」必須經過專業評審委員會面試先有獎拎,今年港澳兩地總共有29位「微笑員工」,3香港佔咗10位,係咪威水先?

睇到相片,一班得獎員工唔止笑容親切,連套制服都好sharp,完全跟到潮流,用咗今年大熱嘅粉紅色同粉藍色。聽3香港流動電訊銷售(消費市場)總經理陳傳賢講,不同季節員工都有制服,最近期粉紅同粉藍色外套係冬天制服,希望畀到顧客親切、活潑嘅感覺。佢仲透露嚟緊夏天要keep住活潑、爽朗氣息,員工將會換上白恤衫同七分卡其色褲。

撰文: 黛安 消息特靈八卦公關
欄名: 八卦名利場