傳過檔黎明公司做歌手 粉絲勸袁偉豪留TVB做小生

無綫小生袁偉豪（Benjamin）昨日被傳獲黎明賞識，將離開TVB進軍樂壇，不少口痕友狠批黎明捧人唔掂，力挺Benjamin一不動不如一靜。他回應時指傳聞子虛烏有，堅稱暫未考慮離巢。

自從07年贏得香港先生後，袁偉豪在無綫捱足九年，今年初憑《鐵馬戰車》及即將大結局的《EU超時任務》成功入屋，入行18年終獲觀眾認同。Benjamin於兩年前更贏得港姐女友岑杏賢芳心，有望於年內拉埋天窗，加上經常與陳山聰跑山Keep Fit，形象健康，事業、愛情兩得意。

昨日有雜誌指袁偉豪獲天王黎明垂青，簽約加盟AMusic旗下當歌手。事實上，Benjamin早於13年已參加《星夢傳奇》一展歌喉，可惜最終名落孫山，未能如鄭俊弘一樣獲TVB力捧做歌手。今次有傳他簽約黎明成為馬天佑師弟，看來有望一圓歌星夢。

袁：十劃未有一撇

然而，不少粉絲對他轉戰樂壇大潑冷水，除了香港樂壇死氣沉沉難有發展空間，黎明過往捧新人的往績也令人汗顏，包括Janice Man、JW、應昌佑等也未見取得佳績。此外，無綫小生荒令他上位在望，因此粉絲們也勸Benjamin留低並非壞事。

本報記者昨日聯絡到Benjamin，他強調暫未有離開無綫的打算：「我覺得報道有少少over咗，只是雜誌拿了我們的合照去做話題吸引讀者，內容都寫了一些事實出來，日後也唔排除有此可能性！不過十劃都未有一撇！」他並提及自己的意思是狀態已經ready做其他事，並笑言：「唔止Leon，其他公司想與我合作都要透過TVB去傾！幸好報道出街後公司暫時未有聯絡我！」提到與TVB的合約何時屆滿，他未肯回應，只稱：「冇咁快！」

撰文：Steven、Iris

編輯：余運慶

插圖：何樂

設計：鄧俊明