王宗堯想同莊思敏矛盾去旅行

王宗堯出席ViuTV節目《體育係…》宣傳，並與體操運動員黃曉盈、前學界田徑運動員梁穎瑜示範拉筋等熱身動作。

初嘗擔任體育主持的王宗堯說：「以前喺英國讀書，見當地足球節目請球迷講波，覺得好得意，佢哋仲會爆粗，我都好想試，不過在黃金時段播就唔係咁好。」問到酬金是否很可觀？他表示都交由公司處理。該台推出的節目《跟住矛盾去旅行》，找來一對對各持己見的組合同遊，問到會否有興趣與傳不和的莊思敏合作？王宗堯說：「好開心喎，去呀！應該幾好笑、幾好玩，我哋公司好多多棲藝人，可以撞出火花。」

攝影：Lego