阿Sa 曾志偉 默默付出不是靠嚇

今屆《香港電影金像獎》由五套短片拼湊而成的《十年》摘下最佳電影，其實短片也不一定要題材惹火，好像即將上映的電影《Good Take》，由曾志偉監製，他碌盡星級人情牌，有心有力幫新導演「幫到底」。志偉坦言：「我希望為香港搵到更多新導演，令電影圈不會出現斷層。」

《Good Take》由五位新導演各自執導五個短篇，包括有曾國祥的《水泥》、黃智亨的《囍宴》、黃進的《Good Take》、楊龍澄的《不一定》及黃精甫的《嚇鬼》，全是環繞澳門街的不同故事。蔡卓妍（阿Sa）在壓軸單元《嚇鬼》，飾演外國回流澳門的少女，返回婆婆的祖屋，卻碰上「靠嚇」的收樓公司，遇上前所未見的離奇經歷。

阿Sa拍戲多年，經驗十足，今次與多名前輩如馮淬帆、盧大偉合作，令她獲益良多。「同佢哋一齊合作好舒服，佢哋會帶住你，真係腦筋急轉彎，不單演技，只是聽他們分享自己人生都學到好多嘢。」阿Sa憶述說。

要多個take又唔解釋

志偉相識滿天下，他一出聲，一眾好友立刻出手相助，而他不但對老友好，亦積極提拔影壇新人，包括很多新導演，就像當年欽點黃精甫執導《江湖》。不過，志偉認為導演對作品一定有要求，更何況是新導演，他踢爆說：「同新導演合作最易反面，因為佢哋唔識表達，成日話要多個take，又唔解釋，佢哋達唔到自己目標，永遠唔會收手，咁樣做演員咪辛苦囉。」言談之間，其實看到志偉欣賞他們對電影的堅持。

冒險用新導演的投資者不多，志偉又稱：「十年前，發現香港電影圈出現青黃不接的情況，因此不斷發掘新導演，希望培養一班新人。」他明白新人未必得投資者的信任，故志偉擔任說服投資者的角色，增加投資者的信心，可謂用心良苦。

撰文︰唐蔚霖

攝影︰Lego

編輯︰陳禮恒

設計：梁政敏

蔡卓妍

化粧：Circle Cheung@ndnco.co

髮型：Jimmy Chan@hair culture

曾志偉

場地提供：Fovea

化粧及髮型：阿雪