黃芷晴爆老竇呷醋

黃芷晴、湛琪清昨日出席商場活動，芷晴透露新一年願望，是兩年內開一間咖啡店。「我想同牛雜妹（李美琪）一齊開cafe，佢屋企開食肆有經驗，不過我本身唔飲咖啡，要上堂學沖。」她自言最叻整甜品，經常為男友炮製甜品，更踢爆父親黃日華因此呷醋！「最近我整韓式飯團畀男友食，爸爸即呷醋話：『有剩先整畀我食』。」提到曾志偉賭馬贏千萬，芷晴笑指爸爸不賭馬，只愛踢波。