兩任財爺做「煮家男人」 走入熱廚房教惜食

每天辛勞工作都係為兩餐，2011年成立的惜食堂，過去5年間經回收後派發了近300萬份愛心餐及食物包。噚日仲舉行咗個感謝宴，財爺曾俊華都有出席，仲同惜食堂主席梁錦松一齊脫下西裝褸，捲起衫袖走入熱廚房幫手，一副「煮家男人」模樣，真係難得一見。

平日飲慣咖啡、睇開法國電影的曾俊華，今次與前梁錦松碰頭唔傾財政預算案，改傾廚房經，一齊煮飯仔？其實呢啲飯餸都由惜食堂嘅廚師主理，兩位財爺只係負責舀飯，睇見佢哋一個裝飯、一個舀餸，非常合拍。唔知兩位得閒有冇住煮番幾味呢？

今次活動喺深水埗惜食堂社區中心舉行，梁錦松話好多謝各界一直喺資源、食物、金錢同服務上慷慨捐助同支持，令受惠者拎到的，唔止係食物，更加係社會人士對他們的大愛。而曾俊華就呼籲大家千祈唔好做「大嘥鬼」喎。