海洋公園優越門票 獨家入鬼屋暗室

踏入10月，全城最紅嘅梗係「嘩鬼」，海洋公園推出哈囉喂優越門票，遊客可優先體驗所有鬼屋同其他遊戲景點，唔使做「包尾嘩鬼」！拎住優越門票就可無限次優先進入所有鬼屋，挑戰全新驚嚇的限制級鬼屋16禁、喺流傳經典鬼故嘅屍立中學探險，仲可優先入場睇「魔界巨星花生騷」，及獨家深入4間指定鬼屋嘅秘密暗室，享受「腥」級版驚嚇體驗。

優越門票仲可享受「海洋快證」特快通行待遇，自選7次特快通行服務，可優先玩埋熱帶激流、越礦飛車等多個機動遊戲。