黛安
黛安

濟州美顏新品牌 屈臣氏有得賣

發佈時間: 2016/10/04

濟州美顏新品牌 屈臣氏有得賣

天氣開始轉涼,有冇覺得皮膚繃繃緊呢?最近屈臣氏公關姊妹好貼心,送上韓國DCS最新採用火山岩海水嘅護膚品,包括洗面膏、爽膚水、眼霜、面霜同精華,試用後真係值得一讚。

先講講洗面膏,唔單止洗走面部多餘油脂、毛孔內污垢,搽埋爽膚水都唔會「黐立立」,而面霜好似畀肌膚飲滿水一樣,回復番18歲皮膚咁,搞到黛安鬼咁開心。

公關姊妹講屈臣氏今次係獨家引入,呢隻韓國全新MERDERM系列,採用濟州島零污染的火山岩海洋深層水,有豐富鈣同鎂,集齊保濕、抗皺及美白三大功效於一身,好適合依家秋天用。

傾開先知,原來屈臣氏仲有另一款獨家王牌護膚品WATER 360°by Watsons溫泉水透保濕系列,採用法國蒙多爾的溫泉水,有五重補水保濕,認真犀利呀!功效最特別係sleeping mask,臨瞓前輕輕塗抹,就即刻爆出大量水珠,啱哂黛安甩皮又乾燥嘅皮膚。

撰文: 黛安 消息特靈八卦公關
欄名: 八卦名利場