「奸夫」現身 《晴報》Office派禮物

萬聖節唔止有得驚，仲有得萌！皇室堡同東角就請咗「奸夫」駐場。奸夫？講緊嘅係日本超人氣品牌CRAFTHOLIC宇宙人裏面4隻詭怪星人呀！皇室堡仲會變身做「太空基地」，即日起到31號買夠200蚊嘢，仲可以玩夾公仔，夾走超過250件CRAFT星精品。另外只要upload喺太空基地影嘅相去自己IG或官方微信，就可免費拎到別注版即影即有相。

去到萬聖節正日，CRAFT星人仲會係東角LAFORET開萬聖節派對，齊齊喺「墓園」扮鬼扮馬。昨日兔仔RAB同熊仔SLOTH就同一班萬聖節朋友去咗《晴報》探班，佢哋仲同小model大派頸枕、萬用袋等精品畀同事，搞到成個office嘅同事「WE嘩鬼叫」勁開心。