本地插畫家出埠參展 帶住蛋卷sell香港

港人創意滿天飛，香港出版同印刷業嚟緊將六度「組團」出埠參加多個國際書展。今年參展嘅「香港館」更首次設立「Creative Corner」，畀香港插畫家一個闖入國際平台的機會，包括Chocolate rain同Oowa兩位「本地薑」都可一展身手。

2011年創造插畫角色Oowa嘅Jeanie話今次機會難得，就好似《My Monet夢遊莫奈世界》中，Oowa用招牌微笑帶讀者睇莫奈嘅作品，而Jeanie就帶住夢想衝出香港。至於Chocolate rain嘅Prudence認為香港喺出版、印刷技術同創意方面喺國際上數一數二，但往往因欠缺平台同本錢做推廣而落後他人，今次終到佢哋登上世界舞台！

為咗令外國客「細味」香港文化，主辦單位仲帶埋「一口港式手工蛋卷」出差，等大家一邊食住脆蛋卷，一邊睇香港書籍，何其寫意！