太太好生養 杜德偉最想三年抱兩

杜德偉（Alex）太太李曉冰本月二日於養和醫院誕下兒子，初為人父的Alex昨午接太太回家，並與在場守候傳媒分享喜悅。他笑言不相信自己一下子當了爸爸，又指這幾天不斷收到朋友的祝賀。

54歲的杜德偉昨午陪同30歲愛妻李曉冰出院，Alex肉緊啜老婆面珠，又企定畀傳媒影相，大曬恩愛。合照過後，他先安頓太太上車，然後獨自接受訪問。Alex透露今個月會放假陪伴妻兒，下個月才開工，但他見少一秒個仔都唔捨得，「好似喺醫院，護士要抱囝囝去沖涼，我都唔想放手，惟有盡量享受依家（放假）嘅日子，因為年底要去美加，又要返大陸工作。」他笑稱以為臍帶像腸粉一樣軟，豈料很堅韌，連續剪四、五下才把它弄斷。

好友探BB 家中開Party

Alex為囝囝改了英文名AJ（Alex Junior），問他諗到中文名了嗎？他說：「未！因為中文名太重要，依家都未諗到。」雖然不用跟族譜，但他希望名字筆劃少，萬一返學被罰抄都可以抄少啲，後來他又補充說當然都要名字有意義。

問他是否想追多個？Alex坦言：「醫生讚太太好好生養，叫我哋快啲整多一個，我會同老婆研究下，始終兩年抱兩好辛苦，三年抱兩就差唔多喇。」Alex又透露，這幾日在屋企應該不停開party，因為好多人想來探BB。

撰文：Pauline

編輯：陳禮恒

設計：梁政敏