利苑搞搞新意思 元朗開 「迴轉粵菜館」

迴轉壽司就食得多，迴轉粵菜你又食過未？米芝蓮星級食肆利苑酒家旗下第三間「利小館」，正式進駐元朗「YOHO Mall形點」，仲開創中菜食府先河，引入自動食品輸送帶。老闆話平時大廚做好美食後，因為傳餐人手不足，食物送到老饕桌上，或已錯失最佳品嘗時間，但有咗呢個輸送帶，熱騰騰美食就第一時間品嘗到啦！

廚師會將剛炮製好精美菜式，馬上放到有透明圍欄的食物輸送帶，送到指定餐桌，衞生之餘，仲確保新鮮滾熱辣。新店更實行全面自動化，客人用平板電腦點餐。

新店即日至10月31日推出兩款特設開幕精選膳食，其中半月叉燒卷更是新創作的菜式，姊妹們不妨一試。