7仔賣埋大閘蟹 仲免費送貨

秋風漸起，又係食大閘蟹季節！唔講唔知，原來家陣7-Eleven連大閘蟹生意都撈埋。即日起至11月28日只要到任何一間分店購買大閘蟹禮品券，並致電顧客服務熱綫安排送貨，即可安坐家中享用美味大閘蟹，真係方便又快捷！

姊妹仲同黛安講，只要選購3款禮品裝大閘蟹之一，便可享有送貨服務，7隻蟹一籮（1.25公斤）售638元；11隻公蟹（2.5公斤）賣1,880元。

買咗禮券後，喺送貨前兩個工作天的中午12點前，致電顧客服務熱綫預約就得。提提大家，東涌只有逢星期二、五送貨；星期六、日就唔送寫字樓，大家記住留意呀。