$920米芝蓮餐廳 歎白松露盛宴

白色冬季除咗諗起白雪，原來仲有矜貴好味的「鑽石級」美食白松露﹗適逢白松露產季，被譽為「白松露之王」的BOMBANA Umberto又再製作出一系列新菜式！

公關姐妹仲話，原來首批白松露上個禮拜已經到貨，依家只要畀920至980蚊，就可以喺中環米芝蓮三星食府8 1/2 Otto e Mezzo BOMBANA，食到最新的牛肝菌龍蝦沙律配阿爾巴白松露、Fassone牛仔里脊肉配婆羅門參、蘑菇、芳香芝士和阿爾巴白松露等美食，連甜品都係用白松露意式雪糕點綴。公關姐妹就教路，未來兩、三個禮拜的白松露應該會更加靚，最遲去到12月就無啦，識食之人一定要提早book位。