【聲明】港生活網站並無進行電話推廣活動

買金器兼換購機票 結婚蜜月一條龍

發佈時間: 2016/10/12

明年係雙春兼閏月,身邊唔少姊妹都計劃同另一半拉埋天窗。籌備結婚涉及兩件好緊要嘅事,之唔係買金器同埋度蜜月囉!最近景福珠寶就好有計,諗到同香港航空合作,搞咗個一條龍方案。由即日起至11月28日,顧客買首飾或金器滿18,000蚊或以上,就可以用超筍價換購機票,一次過解決兩項難題。

今次優惠涵蓋東京同奧克蘭的機票。舉個例,買滿18,000蚊首飾,就可以加2,000蚊換購香港來回東京經濟艙機票兩張。想去遠啲?買滿38,000萬蚊,就可以換購香港往返奧克蘭機票,兩張加埋都只係5,600蚊。

想坐商務艙客機出發?OK無問題,買滿58,000蚊,即可用14,800蚊換兩張香港來回奧克蘭商務艙機票,出發之前,仲可到港航貴賓室「紫荊堂」唞住歎美食。

姊妹們,如果你都計劃緊人生大事,不妨參考下!

撰文: 黛安 消息特靈八卦公關
欄名: 八卦名利場