買金器兼換購機票 結婚蜜月一條龍

明年係雙春兼閏月，身邊唔少姊妹都計劃同另一半拉埋天窗。籌備結婚涉及兩件好緊要嘅事，之唔係買金器同埋度蜜月囉！最近景福珠寶就好有計，諗到同香港航空合作，搞咗個一條龍方案。由即日起至11月28日，顧客買首飾或金器滿18,000蚊或以上，就可以用超筍價換購機票，一次過解決兩項難題。

今次優惠涵蓋東京同奧克蘭的機票。舉個例，買滿18,000蚊首飾，就可以加2,000蚊換購香港來回東京經濟艙機票兩張。想去遠啲？買滿38,000萬蚊，就可以換購香港往返奧克蘭機票，兩張加埋都只係5,600蚊。

想坐商務艙客機出發？OK無問題，買滿58,000蚊，即可用14,800蚊換兩張香港來回奧克蘭商務艙機票，出發之前，仲可到港航貴賓室「紫荊堂」唞住歎美食。

姊妹們，如果你都計劃緊人生大事，不妨參考下！