香港美食車今年登場，杜拜的美食車熱潮同樣始於今年。延續星期三（12/10）的《$3900杜拜喪玩》行程，今日會拆解杜拜的覓食好去處，包括今年5月新開的美食車公園Last Exit，又會走入新商業地標City Walk一帶食平價西餐、豪歎浮誇甜品，用590元食盡4站刺激味蕾，仲包你影到靚靚食物相上載社交網呃Like！
第1站：西班名店BUBO 食Tapas飲Sangria
杜拜City Walk是今年3月才開的新區，其中City Walk 2有仿照小倫敦設計的區域，外牆如同歐式建築，而最似的一個位，就係設有紅色電話亭同紅色郵筒，電話亭的背後，就是在西班牙巴塞隆拿擁有4間分店的BUBO餐廳。
BUBO向以創意甜點及朱古力聞名，來到杜拜卻主力推介Tapas等正餐，其中必試的芝士4重奏配風乾豬牛Tapas，有齊煙熏芝士、Trochon芝士、充滿奶香的西班牙Tetilla芝士及羊奶製成Manchego芝士。再叫一杯西班牙傳統果酒Sangria，幻想自己身在西班牙還是倫敦。
BUBO
地址：City Walk 2, Al Safa Street, Dubai
電話：+971（0）439-887-77
營業時間：10am-12mn
第2站：美食車公園 狂擦國際小吃
開幕僅兩個月的Last Exit美食車公園，用上50年代美國車廠的設計，十足主題樂園一樣。雖然園內的美食車不能移動，但就一次過有12架造型、車款都不同的復古美食車曬冷，猶如車展一樣！食物方面，由墨西哥卷、西班牙海鮮飯到奶昔、咖啡都有，而且更貼心安排室內飲食區域，等大家即使面對攝氏50度的杜拜，都有得歎住冷氣慢慢食。如果香港美食車想發展得好，真係不妨偷偷師！
Last Exit Dubai
地址：E11, Last Exit Dubai
電話：+971（0）800-637-227
營業時間：24小時
網址：www.lastexit.ae
第3站：Brass Coffee 當地潮人熱捧
Brass Coffee & Community是被杜拜潮人追捧的咖啡店，更加被當地人氣Blogger Nyree McFarlane評為「最佳Instagram影相之Cafe」。店內以粉藍及黃銅色為主色，用上不同木色的設計座椅，主力用上自然光照明，坐下來喝杯咖啡，令人放鬆得不想起來。餐單從顧客感受出發，標明店內使用的5種咖啡豆產地、口感及濃味程度，如果有疑問更可詢問咖啡師，店員會親切地解答。
Brass Coffee & Community
地址：City Walk 2, Al Safa Street, Dubai
電話：+971（0）438-569-71
營業時間：7am-12mn
網址：www.thebrass.ae
第4站：世界紀錄甜品店 歎浮誇雪糕
有去過美國一定聽過「Serendipity 3」甜品店，餐廳1954年開始營業，一向賣點是分量、外形浮誇，2012年更因為製作全球最貴、價值25,000元的雪糕甜品打入世界紀錄，所以不難想像為甚麼會在同樣以浮誇、土豪聞名的杜拜開設他們首兩間的海外分店。
甜品的標準分量相信夠4人家庭吃，價錢卻不算貴，一客150港元有找；味道就只能說挑戰大家對「甜」的想像。
Serendipity 3
地址：Serendipity 3, City Walk 2, Dubai
電話：+971（0）143-949-672
營業時間：10am-10pm
網址：www.altayer.com/ar/retail/hospitality/serendipity3
撰文：KiKa
整理：周藹文
編輯：余運慶
設計：大雄
相片：Chow、Will Cho、相關景點
匯率：全文已兌港元，1元阿聯酋迪拉姆（AED）兌2.25港元