旅行慳得一蚊得一蚊 點搭機場巴士最抵？

去旅行使費當然慳得一蚊得一蚊，除了機票要便宜，來回機場的車票一樣可以慳。城巴機場快綫推出預售來回車票，最平$55來回機場至九龍，部分班次更有免費Wi-Fi。

1. 優惠節省幾多？

城巴機場快綫（A綫）7條路綫推出預售來回車票，A10、A11、A12、A29、A29P來回機場及香港島或將軍澳只需$65；A21、A22來回車票價$55，往返機場及九龍。

以A10鴨脷洲至機場路綫為例，單程成人車費$48，來回需要$96。如果使用售價$65的來回車票，來回合共可節省$31。

雖然城巴機場快綫有八達通回程半價優惠，但只限即日回程，於機場上班人士較為適用，而外遊人士使用來回車票則較優惠。而車票不適用於城巴機場快綫NA綫（通宵綫）及E綫。

2. 車票有效期有多長？

車票有效期為發出日期3個月內，即使出遠門、長途旅行回港後，3個月內都可以使用。