PMQ日本秋祭今開鑼！

哈日族留意，全港最大型的「緣日秋祭」今日起一連3日喺中環PMQ開鑼喇！呢個十足十日本廟會咁精采的活動，過往3次舉辦共有過萬人次入場，今年更是以香港日本領事館官方認可活動的身份歸來，仲同九州發展局合作，引入香港較少見的水果，包括熊本梨和太秋柿等。人氣Icon熊本熊都會現身！

另外大會更將神壇帶到香港，舉行傳統的請神儀式，大家可一起許願，攞個好意頭。宣傳日本傳統和服之美的Kimono De Jack團亦會在星期日（15/10），與一眾身穿浴衣人士到PMQ參加祭典，相信會好有睇頭。