3千萬買大屋氹太太 劉青雲：好平常

近日有傳劉青雲於去年五月成立一間名為「Little Starship Production Limited」的私人公司，又送給老婆郭藹明（Amy）一間位於西貢的屋，愛妻之情令全港人大讚，對此青雲並沒有否認，更謙稱這些是平常事。

劉青雲和郭藹明前晚穿上情侶裝出席首飾品牌活動，甫抵現場即被取笑每日都似新婚般甜蜜，問青雲身上的深藍色西裝是否Amy揀？他笑言：「出席呢啲場合都係檢點啲，其實我哋一齊揀，我眼光唔差㗎。」記者即笑從他揀老婆就睇得出睇光獨到，兩人即相視而笑。問到報道所指青雲在西貢斥3千萬元購入一幢海景大屋，對此青雲並沒有否認，只表示：「香港每日都有人買屋，平常事，自己都要住，咁啱佢（指住Amy）又冇地方住，咪一齊住囉，又唔好講到送。（Amy揀？）大家一齊睇。」

投資「小飛船」方便工作

至於那間中文譯名「小飛船製作有限公司」又是否有特別意思？青雲笑言只是隨口講。但此舉令很多人讚好，他苦笑說：「ok啦，家家有本難念的經，最緊要大家開心。」他表示這間只是小公司，只是方便工作上有個平台，暫時未計劃開戲，更非因要開戲給Amy，在旁的Amy笑言他們這間不是「大飛船」，不過她承認老公偶然都會氹自己，更遞起手上一隻大會安排的3.2卡鑽戒笑着跟青雲說：「老公，小禮物呀。」青雲帶笑回應：「你哋睇到我生活壓力啦。」

採訪：Pauline

編輯：林梓添

設計：梁政敏