黛安
黛安

麥當勞新App「麥麥聽」 填問卷講意見 送蘋果批

發佈時間: 2016/10/17

麥當勞新App「麥麥聽」 填問卷講意見 送蘋果批

喺香港唔使擔心冇嘢食,事關總有間麥當勞喺左近。黛安同麥當勞傳訊部一姐林婉梅(Wendy)傾開,原來全港有超過230間分店咁多,為咗將服務提升至最高水平,最近又有新搞作喇!麥當勞今日推出全港餐飲業首個獨立收集顧客意見的app「麥麥聽」(My Voice),顧客可隨時隨地講出心聲,公司收到意見後會即時作出回應同改善,認真高效率呀!

作為麥當勞粉絲,黛安已下載咗新app,只要開咗定位,系統會自動搜尋附近麥當勞,點選用餐的分店後,填寫問卷及意見就得,整個過程只需一、兩分鐘。Wendy話所屬的分店當值經理或員工會即時收到意見,立即改善及跟進,希望提升服務質素,仲話為答謝顧客,新app推出初期,填完問卷會送上一個蘋果批𠻹!

意見即時接收跟進

除咗喺facebook、email、電話等平台收集意見外,新增app聆聽顧客聲音,Wendy笑言:「都幾大壓力㗎!」佢話好難預計效果,「之前自己試用,個app好順,冇hand app,稍後會優化問卷內容。」

撰文: 黛安 消息特靈八卦公關
欄名: 八卦名利場